मंत्रालयातील कथित कर्मचाऱ्यांचा आगळा-वेगळा प्रताप..!
शासकीय नोकरीत असूनही पदाचा गैरवापर करून मानसिक त्रास; डॉ. निलेश बास्टेवाड यांचे पत्रकार परिषदेत गंभीर आरोप
नांदेड प्रतिनिधी :
येथील हिंगोली नाका परिसरातील रेणुकाई हॉस्पिटलचे संचालक डॉ. निलेश बास्टेवाड यांनी पत्रकार परिषद घेऊन मंत्रालयातील कथित कर्मचारी जगदीश सकवान व त्यांच्या कुटुंबीयांविरोधात गंभीर आरोप केले. वारंवार खोट्या तक्रारी करून मानसिक त्रास देणे, बदनामी करणे, शासकीय यंत्रणांची दिशाभूल करणे तसेच पदाचा कथित गैरवापर करून दबाव टाकण्यात आल्याचा आरोप त्यांनी यावेळी केला.
डॉ. बास्टेवाड यांनी सांगितले की, गौरीकिशन मेडिकलमध्ये सन २०१८ ते २०२३ या कालावधीत अनुज सकवान हे भागीदार होते. भागीदारीदरम्यान मोठ्या प्रमाणात आर्थिक व्यवहार झाले. त्यानंतर भागीदारी संपुष्टात आल्यानंतर मेडिकल खाली करण्यासाठी नोटीस बजावण्यात आली. मात्र, त्यावेळी मेडिकल खाली न करता उलट धमक्या देण्यात आल्या आणि दोन कोटी रुपयांची मागणी करण्यात आल्याचा दावा त्यांनी केला. यासंदर्भात शिवाजीनगर पोलीस ठाण्यात तक्रार दाखल केल्याचे त्यांनी सांगितले.
याच वादातून आपल्याविरोधात जीवे मारण्याची धमकी दिल्याचा खोटा गुन्हा दाखल करण्यात आल्याचा आरोपही डॉ. बास्टेवाड यांनी केला. या प्रकरणात आपण सीसीटीव्ही फुटेज व इतर पुरावे पोलीस आयुक्त आणि पोलीस अधीक्षकांकडे सादर केले असून, संबंधित गुन्हा ‘बी समरी’ अंतर्गत खोटा ठरल्याचा दावा त्यांनी केला.
कॅथलॅब मशीनमधील भागीदारीबाबतही सर्व आर्थिक व्यवहार पूर्ण करून भागीदारांचे देणे अदा केले. त्यानंतरही सातत्याने विविध विभागांकडे तक्रारी करून मानसिक त्रास देण्याचा प्रयत्न सुरू असल्याचे त्यांनी सांगितले. या प्रकरणी न्यायालयात दावा प्रलंबित असल्याचेही त्यांनी स्पष्ट केले.
पत्रकार परिषदेत डॉ. बास्टेवाड यांनी जगदीश सकवान यांच्यासह त्यांच्या कुटुंबीयांविरोधातील विविध प्रकरणे, न्यायालयीन घडामोडी व इतर कागदपत्रांचा उल्लेख केला. मुख्यमंत्री, वरिष्ठ प्रशासकीय अधिकारी तसेच पोलीस विभागाकडे पदाचा कथित गैरवापर झाल्याची तक्रार केल्याची माहिती त्यांनी दिली. सकवान कुटुंबीयांविरोधातील इतर गुन्ह्यांचाही त्यांनी उल्लेख करत संबंधित कागदपत्रे पत्रकारांसमोर सादर केल्याचा दावा केला.
मानसिक त्रास देण्यासाठी खटाटोप….!
दिनांक 05 मार्च 2024 रोजी मेडिकल बंद कारण्याबाबतचा त्यांच्यासोबत डिपॉसिटी रक्कम परत देऊन बॉण्ड वर सर्वसमक्ष स्वाक्षरी घेऊन करारनामा रजिस्टर्ड केला.
वरील सर्व गैरव्यावहार पाहून कॅथलॅब मशीन मध्ये मला यांच्यासोबत पुढे भागीदारीत राहायचे नाही म्हणून निर्णय घेतला.
कारण दीपा जगदीश सकवान त्यात भागीदार होती. त्यानुसार 2019 ते 2023 पर्यंत पूर्ण ऑडिट करून भागीदाराचा देणे देऊन व्यवहार पूर्ण केला व एक तर मशीन विकून टाकू किंवा तुम्ही इतरत्र माझा व्यवहार क्लिअर करून घेऊन जा असे पर्याय सुचविले पण हे मला मानसिक त्रास देण्याच्या उद्देशाने कोणत्याच पर्याय साठी तयार नव्हते म्हणून मी स्वतः वकिला मार्फत नोटीस बजावली पण त्याला सुद्धा कुठलाच प्रतिसाद ना मिळाल्यामुळे सदरील प्रकरण न्यायप्रविष्टा केले व न्यायालयच्या निर्णयच्या प्रतीक्षेत आहे. हे सर्व असून सुद्धा जगदीश सकवान पदाचा गैरवापर करून मी फसवणूक केली अश्या तक्रारी पोलीस विभागात देताच आहे.
हे सर्व कारण्यामागे उद्देश म्हणजे फक्त मानसिक त्रास देणे आणि बदनामी करणे हा होय.ह्याबाबत मी जगदीश सकवान ह्याची तक्रार पदाचा दुरुपयोग करत आहे म्हणून माननीय मुख्यमंत्री तसेच सचिव डॉ श्रीकर परदेशी साहेब तसेच पोलीस विभागाला पण केली आहे.
अशीच बदनामी करण्यासाठी वर्तमानपत्रात सुद्धा खोटी बातमी दिली आणि काही दिवसापूर्वी एका महिला डॉक्टर चे सोने दागिने 18 तोळे ह्यांनी परत दिले नाही म्हणून ह्याच जगदीश सकवान चा भाऊ सतीश सकवान याच्यावर इस्लापूर पोलीस स्टेशन मध्ये गुन्हा नोंद झाला आहे. यातून ह्याची गुन्हेगारी प्रवृत्ती दिसत आहे असे त्यांनी सांगितले
