आरोग्य व शिक्षण
सिंधु हॉस्पिटलमध्ये जिवनदायी, जनआरोग्य योजनेचा मिळणार लाभ
गडचिरोली,प्रतिनिधी :-
स्थानिक विसापूर मार्गावरील कारगिल चौकातील सिंधु ऑर्थोपेडीक मल्टीस्पेशालिटी हॉस्पिटल व रिसर्च सेंटर येथे महाराष्ट्र शासन व केंद्र सरकार संचालित महात्मा ज्योतीबा फुले जीवनदायी आरोग्य योजना व प्रधानमंत्री जन आरोग्य योजना सुरू झाली आहे.
यामध्ये फ्रॅक्चर, हाडांचे व सांध्याचे संक्रमण, दुर्बिणद्वारे सांध्यांच्या शस्त्रक्रिया मणक्यांचे ऑपरेशन, वाकलेले हात-पाय सरळ करण्याच्या शस्त्रक्रिया यांचा समावेश राहील. या योजनेचा लाभ राज्यातील व राज्याबाहेरील पात्र लाभार्थ्यांनी घ्यावा असे आवाहन या हॉस्पिटलचे संचालक अस्थिरोगतज्ञ डॉ. नरेश बिडकर यांनी केले आहे.
