परभणी:
कै सौ. कमलताई जामकर महिला महाविद्यालयात महात्मा गांधी यांची स्मृतिदिन व हुतात्मा दिनानिमित्त गांधी विचार संस्कार परीक्षा 2026 यशस्वीपणे पार पडली. महिला महाविद्यालयात दिनांक 30 जानेवारी 2026 रोजी महात्मा गांधी यांच्या 78 व्या स्मृतिदिनानिमित्त गांधी विचार संस्कार परीक्षेचे आयोजन करण्यात आले होते. महात्मा गांधीजींच्या जीवन मूल्यांची ओळख विद्यार्थिनींना व्हावी, गांधीजींचे विचार व कार्य विद्यार्थिनींना समजावेत या उद्देशाने 50 गुणांची परीक्षा घेण्यात आली. महाविद्यालयातील 62 विद्यार्थिनींनी या परीक्षेत सहभाग घेतला. या परीक्षेसाठी महाविद्यालयाचे प्राचार्य डॉ. रामचंद्र भिसे सर यांचे मार्गदर्शन लाभले. समन्वयक म्हणून इतिहास विभाग प्रमुख डॉ. महेश जाधव यांनी काम पाहिले. या परीक्षेसाठीच्या यशस्वितेसाठी डॉ. प्रवीण नादरे, डॉ. गणेश जाधव यांनी परीक्षा नियोजनबद्ध पार पाडण्यासाठी सहकार्य केले.
