मुंबई येथे आयोजित केलेल्या “संविधान सन्मान महासभेस मोठया संख्येने उपस्थित रहा !
वंचित बहुजन आघाडीचे जिल्हा सचिव तुकाराम भारती यांचे आवाहन
मानवत / प्रतिनिधी.
मुंबई येथे आयोजित करण्यात आलेल्या संविधान सन्मान महासभेस मोठया संख्येने उपस्थित रहावे असे आवाहन वंचित बहुजन आघाडीचे परभणी जिल्हासचिव तुकाराम भारती यांनी केले आहे.
तमाम भारतीय नागरिकांचा प्राण म्हणजे भारतीय संविधान होय संविधान दिनाचे औचित्य साधत वंचित बहुजन आघाडीच्या वतीने दिनांक २५ नोव्हेंबर रोजी मुंबई येथील छत्रपती शिवाजी महाराज पार्क मुंबई, दादर या ठिकाणी संविधान सन्मान महासभेचे आयोजन करण्यात आले आहे.
ही सभा वंचित बहुजन आघाडीचे अध्यक्ष आद. अॅड. प्रकाश तथा बाळासाहेब आंबेडकर यांच्या प्रमुख मार्गदर्शना खाली आयोजित करण्यात आली असून आयोजित करण्यात आलेल्या संविधान सन्मान महासभेस तमाम संविधान प्रेमी, तसेच नागरिकांनी लाखोच्या संख्येने उपस्थित रहावे असे आवाहन वंचित बहुजन आघाडीचे जिल्हा सचिव तुकारामजी भारती यांनी केले आहे.
***