नांदेड, दि. 14 फेब्रुवारी – शहरातील भाग्यनगर पोलीस ठाणे हद्दीत घडलेल्या घरफोडी प्रकरणाचा छडा लावत भाग्यनगर पोलीस ठाण्याचे पोलीस निरीक्षक संतोष तांबे यांच्या मार्गदर्शनाखाली पोलिसांनी तीन आरोपींना अटक केली आहे. या कारवाईदरम्यान आरोपींकडून चोरीस गेलेली रोख रक्कम जप्त करण्यात आली असल्याची माहिती पोलिस अधीक्षक कार्यालयाकडून देण्यात आली.
मिळालेल्या माहितीनुसार, भाग्यनगर परिसरात घरफोडी करून रोख रक्कम चोरी करण्यात आल्याची तक्रार दाखल झाली होती. गुन्हा नोंद होताच पोलिसांनी तपास सुरू करून गुप्त माहितीच्या आधारे संशयितांचा शोध घेतला. तपास पथकाने सापळा रचून संशयितांना ताब्यात घेतले असता त्यांनी गुन्ह्याची कबुली दिली.
पोलिसांनी आरोपींकडून सुमारे ₹2,000 रोख रक्कम जप्त केली आहे.
अटक करण्यात आलेले आरोपी पुढीलप्रमाणे :
▪ बुद्धिभूषण मधुकर गोविंद (वय 19), रा. भाग्यनगर, नांदेड
▪ युवराज राजू राठोड (वय 19), रा. देगलूर नाका, नांदेड
▪ विशाल मिठेखान गायकवाड (वय 22), रा. शंकरनगर, नांदेड
ही कारवाई पोलिस अधीक्षक अविनाश कुमार यांच्या मार्गदर्शनाखाली, अपर पोलिस अधीक्षक व स्थानिक गुन्हे शोध पथकाच्या सहकार्याने करण्यात आली. पुढील तपास भाग्यनगर पोलीस ठाणे करीत आहे.
दरम्यान, नागरिकांनी घर सुरक्षित ठेवण्याबाबत खबरदारी घ्यावी तसेच संशयास्पद हालचाली आढळल्यास तात्काळ पोलिसांना कळवावे, असे आवाहन पोलिस प्रशासनाने केले आहे.
