यशवंत ‘ मध्ये एनसीसीच्या वतीने आंतरराष्ट्रीय तृणधान्य दिन साजरा

नांदेड:( दि.२४ ऑगस्ट २०२३)
श्री शारदा भवन एज्युकेशन सोसायटी संचलित यशवंत महाविद्यालयात एनसीसीच्या वतीने दि.२३ ऑगस्ट २०२३ रोजी प्राचार्य डॉ.गणेशचंद्र एन.शिंदे यांच्या मार्गदर्शनानुसार आंतरराष्ट्रीय तृणधान्य दिन साजरा झाला.
कार्यक्रमाच्या अध्यक्षस्थानी उपप्राचार्य डॉ.कविता सोनकांबळे या होत्या तर प्रमुख वक्ते प्रा. एन.डी.राठोड यांनी आंतरराष्ट्रीय स्तरावर हे वर्ष साजरे करण्यामागे भारताची असलेली महत्त्वाची भूमिका स्पष्ट केली तसेच तृणधान्याची ओळख, प्रकार व आहारातील महत्त्व याविषयी सविस्तर मार्गदर्शन केले.
अध्यक्षिय समारोपात उपप्राचार्य डॉ.कविता सोनकांबळे यांनी, आरोग्य हीच खरी संपत्ती असल्याचे स्पष्ट करून आजच्या तरुण पिढीने पौष्टिक अन्नपदार्थ खावेत, असे आवाहन केले.
कार्यक्रमाचे प्रास्ताविक, सूत्रसंचालन व आभार एनसीसीचे संचालक प्रा.श्रीकांत सोमठाणकर यांनी मानले.
कार्यक्रमाच्या यशस्वीतेसाठी उपप्राचार्य प्रा.कबीर रबडे, कार्यालयीन प्रबंधक संदीप पाटील, कार्यालयीन अधीक्षक कालिदास बिरादार व गजानन पाटील, एनसीसीचे माजी संचालक लेफ्टनंट डॉ. रामराज गावंडे, डॉ.अजय गव्हाणे, प्रशांत मुंगल आदींनी परिश्रम घेतले.
–