नांदेड जिल्हा प्रतिनिधी (नरसिंग पेठकर)
राजीव केंद्रे वाहक कंधार आगार यांनी समाजमाध्यमांवर पत्रकारांविषयी कथित आक्षेपार्ह व बदनामीकारक पोस्ट केल्याचा आरोप करत पत्रकारांनी गुरुवारी कंधार पोलीस ठाण्यात लेखी तक्रार दाखल केली. संबंधित पोस्टमुळे पत्रकारांची प्रतिमा मलिन होत असून समाजात पत्रकारांविषयी द्वेषाची भावना निर्माण होण्याची शक्यता असल्याचे तक्रारीत नमूद करण्यात आले आहे. तसेच राजीव केंद्रे यांच्या सोशल मीडिया खात्यांची चौकशी करून त्यांच्याविरुद्ध लागू कायद्यांनुसार गुन्हा दाखल करून कठोर कारवाई करण्यात यावी, अशी मागणी निवेदनाद्वारे करण्यात आली.
यावेळी पत्रकार राजरत्न गायकवाड, मयूर कांबळे, ज्ञानेश्वर कागणे, रमेशसिंग ठाकूर, संतोष सोमासे, शुभम केंद्रे, संभाजी कांबळे तसेच इलेक्ट्रॉनिक मीडिया असोसिएशनची टीम उपस्थित होती.
