मानवत येथे तालुकास्तरीय शालेय कुस्ती क्रीडा स्पर्धा संपन्न* > स्पर्धेतील विजयी मल्लाचे अभिनंदन करत देण्यात आल्या शुभेच्छा
मानवत / प्रतिनिधी.मानवत येथे तालुकास्तरीय शालेय कुस्ती क्रीडा स्पर्धेचे आयोजन करण्यात आले होते. क्रीडा व युवक सेवा संचालनालय महाराष्ट्र राज्य पुणे व जिल्हा क्रीडा परिषद व जिल्हा क्रीडा अधिकारी कार्यालय परभणी तथा गटशिक्षणाधिकारी कार्यालय पंचायत समिती मानवत यांच्या संयुक्त विद्यमाने शहरातील श्रीमती सरस्वती बाई भाले पाटील विद्यालय या शाळेच्या कुस्ती मैदानावर ३० ऑगस्ट रोजी शालेय कुस्ती स्पर्धा पार पडली या कुस्ती स्पर्धेचे उद्घाटन मानवत येथील के. के. एम. महाविद्यालयाचे प्रा. श्री. संतोष आघाव यांच्या हस्ते करण्यात आले यावेळी शकुंतला विद्यालयाचे क्रीडा शिक्षक श्री. गोविंद जोशी, तालुका क्रीडा संयोजक श्री. किशन भिसे, श्री. ज्ञानेश्वर रेंगे, श्री. संजय जाधव, विशाल धिंगे, खरात मुदतशीर शेख, सुनील पानझडे, धनंजय माने, भोला यादव, लखन चव्हाण व शंकर शेळके इत्यादींची यावेळी उपस्थिती होती. शाळेमार्फत स्पर्धेचे आयोजन करण्यात आले होते या स्पर्धेत मानवत तालुक्यातील अनेक शाळानी सहभाग घेतला होता. या स्पर्धेत वेगवेगळ्या गटातील पैलवान पै. रुपेश लेंगुळे, पै. विठ्ठल चिंचलवाड, पै. रामेश्वर कोंडगिर,पै. बालाजी कोकरे, पै. संदीप पवार, पै. सविता आवचार हे मल्ल विजयी ठरले. स्पर्धेतील विजयी मल्लांचे अभिनंदन करण्यात आले व पुढील वाटचा लीसाठी शुभेच्छा दिल्या स्पर्धा पाहण्यासाठी व स्पर्धेचा आनंद घेण्यासाठी तालुक्यातील सर्व शाळेचे विद्यार्थी व क्रीडाप्रेमी मोठया संख्येने उपस्थित होते स्पर्धा यशस्वीते साठी पंच कमिटी, क्रीडा शिक्षक आणि शाळेचे कर्मचारी शिक्षक यांनी परिश्रम घेतले.
***
