नांदेड:
महाराष्ट्र शासनाच्या शिक्षण विभागातर्फे आयोजित मुख्यमंत्री माझी शाळा सुंदर शाळा टप्पा क्र.3 मध्ये कंधार तालुक्यातील दाताळा येथील जि.प. शाळेने प्रथम क्रमांक पटकाविला आहे. याचे फलस्वरुप शाळेला रुपये तीन ताखाचे बक्षिस मिळाले आहे, गेले वर्षी सुध्दा या स्पर्धेत ही शाळा तालुक्यात दुसरी आली होती व रुपये दोन लाखाचे बक्षीस मिळाले होते.
या स्पर्धेसाठी माजी विद्यार्थी संघाचे अध्यक्ष श्री. जीवनराव पाटील शिंदे यांच्या नेतृत्वाखाली व शाळेच्या मुख्याध्यापिका सौ. वर्षा बोनगुलवार यांच्या मागदर्शना खाली शाळेने भरीव कामगिरी केली आहे. यात इंटरनेट सुविधेसह संगणक प्रयोग शाळा, विज्ञान प्रयोगशाळा, डिजीटल क्लासरुम, सी.सी.टी.व्ही. कॅमेरे, ग्रंथालय, क्रिडा साहित्य, आर. ओ.चे शुध्द व थंड पाणी, मुला मुलीसाठी तसेच शिक्षकासाठी स्वतंत्र स्वच्छता ग्रह, हेन्ड वॉश स्टेशन, परसबाग तसेच प्रत्येक वर्गात फॅन, ट्युबलाईट, घडयाळ इत्यादी सोयी उपलब्ध करुन देण्यात आल्या आहेत, शाळेत भौतिक सुविधे बरोबरच गुणवतेकडे सुध्दा विशेष लक्ष दिले जाते. त्यात क्रिडा स्पर्धा, निबंध स्पर्धा, रांगोळी स्पर्धा, भाषण व वादविवाद स्पर्धा इत्यादी स्पर्धेचे आयोजन केले जाते. तसेच विद्यार्थ्यांसाठी नवोदय व स्कॉलरशिप परिक्षेची सुध्दा खास तयारी करुन घेतली जाते. शाळेच्या क्रिडा विभागातर्फे खेळा सोबतच सांस्कृतिक कार्यक्रम, सहली तसेच वनभोजन इत्यादीचे आयोजन केले जाते.
या शाळेच्या यश संपादनात माजी विद्यार्थी संघाचे अध्यक्ष जीवनराव पाटील शिंदे, मुख्याध्यापिका सौ. छाया बोनगुलवार उपक्रमशिल शिक्षिका सौ. वर्षा येणूरे तसेच शिक्षक श्री धुळशेट्टे, श्री. माकणे, श्री. टोम्पे, श्री. बनसोडे, सौ. कोणाळे यांचे सुध्दा मोठे योगदान आहे
या यशाबदल शाळेचे सर्वत्र अभिनंदन होत असून शालेय समितीचे अध्यक्ष श्री. प्रदिप शिंदे व देणगीदार डॉ. बायना पांचाळ, श्री. बाबुराव कोपरे, श्री.शिवराज शिदे, श्री. पंडित शिंदे, श्री. प्रकाश शिंदे यांनी समाधान व्यक्त केले आहे.
