धर्माबाद (जि. नांदेड), दि. २२ एप्रिल २०२६ : शिक्षण क्षेत्रातील वाचन संस्कृतीला चालना देण्याच्या उद्देशाने सहाय्यक अधीक्षक (परीक्षा – वाणिज्य विभाग), Swami Ramanand Teerth Marathwada University येथील सुनिल पुष्पाबाई सिताराम रावळे यांनी स्वखर्चातून Lal Bahadur Shastri Mahavidyalaya, ता. धर्माबाद, जि. नांदेड या महाविद्यालयास रु. १६,७३९ किमतीचे विविध ९० ग्रंथ भेट दिले.
या ग्रंथांमध्ये क्रमिक अभ्यासक्रमाशी संबंधित पुस्तके, सामाजिक चळवळीवरील साहित्य तसेच कथा संग्रहाचा समावेश आहे. या उपक्रमामुळे विद्यार्थ्यांना वाचनाची आवड वाढण्यास आणि शैक्षणिक गुणवत्ता उंचावण्यास मदत होणार असल्याचे मत व्यक्त करण्यात आले.
या प्रसंगी महाविद्यालयाचे प्राचार्य डॉ. कमलाकर कणसे व प्रा. कुलदीप गच्चे उपस्थित होते. कार्यक्रमात विविध मान्यवरांच्या हस्ते ग्रंथांचे वितरण करण्यात आले. त्यामध्ये कुलगुरू डॉ. मनोहर चासकर, प्र. कुलगुरू डॉ. अशोक महाजन, प्रा. अधिष्ठाता (विज्ञान व तंत्रज्ञान) डॉ. एम. के. पाटील, राष्ट्रीय सेवा योजना संचालक डॉ. मारोती गायकवाड, तत्कालीन परीक्षा नियंत्रक डॉ. रवि नि. सरोदे, अधिसभा सदस्य शिवाजी चांदणे आदी मान्यवरांचा समावेश होता.
यावेळी विद्यापीठातील विविध विभागांतील अधिकारी व कर्मचारी मोठ्या संख्येने उपस्थित होते. या ग्रंथदान उपक्रमाबद्दल महाविद्यालयाच्या वतीने रावळे यांचे आभार मानण्यात आले.
या उपक्रमामुळे विद्यार्थ्यांमध्ये वाचन संस्कृती बळकट होऊन शैक्षणिक प्रगतीस चालना मिळेल, असा विश्वास व्यक्त करण्यात आला.
