नांदेड:( दि.१३ एप्रिल २०२६)
श्री.शारदा भवन एज्युकेशन सोसायटी संचलित यशवंत महाविद्यालयात महामानव बोधिसत्व डॉ.बाबासाहेब आंबेडकर जयंती निमित्त यशवंत प्रबोधन व्याख्यानमालेच्या वतीने दि.१५ एप्रिल रोजी वसंतराव नाईक महाविद्यालय, वसरणी, नांदेडचे प्राचार्य डॉ.शेखर घुंगरवार यांचे ‘भारतरत्न डॉ. बाबासाहेब आंबेडकर यांचे शैक्षणिक विचार’ या विषयावर दुपारी ठीक १२ वाजता इंग्रजी भाषा प्रयोगशाळा येथे आयोजन करण्यात आले आहे.
कार्यक्रमाचे अध्यक्षस्थान माजी प्र-कुलगुरू प्राचार्य डॉ.गणेशचंद्र एन.शिंदे भूषविणार आहेत.
उपप्राचार्य डॉ. कविता सोनकांबळे, डॉ.हरिश्चंद्र पतंगे आणि व्याख्यानमालेचे समन्वयक डॉ.संदीप पाईकराव यांची प्रमुख उपस्थिती लाभणार आहे.
या व्याख्यानाचा लाभ घ्यावा; असे आवाहन समिती सदस्य डॉ. कविता सोनकांबळे, डॉ. मीरा फड, ग्रंथपाल डॉ.कैलास वडजे, डॉ.ज्ञानेश्वर पुपलवाड, डॉ.साईनाथ शाहू, डॉ. राजरत्न सोनटक्के, प्रसिद्धी समन्वयक डॉ. अजय गव्हाणे, प्रबंधक संदीप पाटील, अधीक्षक कालिदास बिरादार व गजानन पाटील यांनी केले आहे.
