नांदेड :(दि. ११ ऑक्टोबर २०२६)
यशवंत महाविद्यालयातील एनसीसी विभागातील कॅडेट्स प्रणव चव्हाण व चक्रधर ऐश्वर्या यांची कॅडेट वेल्फेअर सोसायटी शिष्यवृत्तीसाठी निवड झाली आहे. त्यांच्या उत्कृष्ट शैक्षणिक कामगिरीची दखल घेत ही प्रतिष्ठित शिष्यवृत्ती प्रदान करण्यात आली आहे.
कॅडेट वेल्फेअर सोसायटी ही नवी दिल्ली येथील संस्था असून देशभरातील गुणवंत एनसीसी कॅडेट्सना शैक्षणिक प्रगतीसाठी आर्थिक सहाय्य देण्यात येते. दरवर्षी देशभरातील निवडक १,००० एनसीसी कॅडेट्सना ही शिष्यवृत्ती देण्यात येते.
शिष्यवृत्तीसाठी निवड झाल्याबद्दल दोन्ही कॅडेट्सचे अभिनंदन करण्यात आले. या यशामुळे एनसीसी विभागाच्या शैक्षणिक व सहशैक्षणिक कार्याला नवी प्रेरणा मिळाली आहे.
माजी प्र-कुलगुरू प्राचार्य डॉ. गणेशचंद्र एन. शिंदे, एनसीसी विभागप्रमुख लेफ्टनंट एस. व्ही. सोमठाणकर, जीसीआय प्रियंका सिसोदिया यांनी दोन्ही कॅडेट्सचे अभिनंदन करून पुढील वाटचालीस शुभेच्छा दिल्या.
तसेच डॉ. रामराज गावंडे, डॉ. अजय गव्हाणे, प्रबंधक संदीप पाटील, अधीक्षक गजानन पाटील व प्रकाश शिंदे, जगन्नाथ महामुने यांनी अभिनंदन केले आहे.
