स्वामी रामानंद तीर्थ मराठवाडा विद्यापीठाच्या शिक्षकाचा गौरव
स्वामी रामानंद तीर्थ मराठवाडा विद्यापीठाचे डॉ. बी. सुरेंद्रनाथ रेड्डी यांना ग्रीन मेंटर्स संस्थेकडून ग्लोबल ग्रीन टीचर अवॉर्ड २०२६ प्रदान करण्यात आला आहे. क्लायमेट वीक NYC दरम्यान १० व्या NYC ग्रीन स्कूल कॉन्फरन्समध्ये SUNY ग्लोबल सेंटर येथे हा सन्मान त्यांना मिळाला.
हा पुरस्कार न्यूयॉर्कचे स्टेट सेनेटर गुस्तावो रिवेरा आणि NYC महापौर कार्यालयाचे उप-प्रमुख दिलीप चौहान यांच्या हस्ते प्रदान करण्यात आला.
डॉ. रेड्डी म्हणाले की, हा सन्मान मिळाल्याने ते अत्यंत अभिमानी आणि भावूक झाले आहेत. शिक्षणात तंत्रज्ञानाचा वापर करून समतापूर्ण, हवामान-जागरूक आणि सर्वांसाठी सुलभ शिक्षण प्रणाली निर्माण करण्याच्या प्रयत्नांना या पुरस्काराने दुजोरा दिला आहे.
स्वामी रामानंद तीर्थ मराठवाडा विद्यापीठातील त्यांच्या १५ वर्षांच्या प्रवासातील योगदानाची दखल ग्लोबल ग्रीन अवॉर्ड ज्युरीने घेतली. त्यामध्ये मोफत आणि ओपन सोर्स सॉफ्टवेअर तसेच SWAYAM MOOCs चा वापर करून ज्ञानाचे लोकशाहीकरण, १.२ दशलक्षाहून अधिक लोकांपर्यंत शिक्षण पोहोचवणे; कोविड-१९ महामारीच्या काळात भारतभरातील १७,००० हून अधिक शिक्षकांना डिजिटल शिक्षणाचे प्रशिक्षण; कमी कागदाचा वापर, पारदर्शकता आणि कार्यक्षमता वाढवण्यासाठी युनिव्हर्सिटी इन्फॉर्मेशन मॅनेजमेंट सिस्टमचा विकास; तसेच AI, डेटा सायन्स आणि NEP अंमलबजावणीद्वारे पुढील पिढीला सज्ज करणे यांचा समावेश आहे.
डॉ. रेड्डी यांनी हा पुरस्कार आपल्या कुटुंबाला समर्पित केला. त्यांच्या कुटुंबाच्या अतूट पाठिंब्याशिवाय हे शक्य झाले नसते, असे ते म्हणाले. त्यांनी आई बी. सुभद्राम्मा, बंधू बी. गजेंद्रनाथ रेड्डी आणि त्यांचे कुटुंब, पत्नी डॉ. रुपाली एस. जैन यांनी हार्दिक व रोहित यांचे आभार मानले. तसेच डॉ. वीरेंद्र रावत आणि ग्रीन मेंटर्स टीमचेही त्यांनी मनःपूर्वक आभार मानले.
शिक्षणाला शाश्वत भविष्याचे सशक्त साधन बनवण्यासाठी सर्वांनी मिळून नावीन्यपूर्ण प्रयत्न करण्याचे आवाहन त्यांनी केले.
विद्यापीठातील कुलगुरू डॉ मनोहर चासकर, यांनी त्यांना शुभेच्छा देऊन अभिनंदन केले.
—————
