उद्या दि. १२ फेब्रुवारी रोजी सकाळी ११.३० वाजता मूळ गावी खुरगाव येथे संस्कार
नांदेड, (प्रतिनिधी)-नांदेडच्या तथागतनगर जवळच्या पालीनगर मधील ज्येष्ठ नागरिक रेणुकाबाई सटवाजी नरवाडे खुरगावकर यांचे आज संध्याकाळी ५ वाजता वृद्धापकाळाने निधन झाले. त्या १०५ वर्षाच्या होत्या. महात्मा फुले माध्यमिक व उच्च माध्यमिक आश्रम शाळा वाघाळा येथील सेवानिवृत्त प्राचार्य बाबाराव नरवाडे आणि स्टेट बँक ऑफ इंडिया मधील कॅशियर शंकर नरवाडे यांच्या त्या मातोश्री होत. दिवंगत रेणुकाबाई सटवाजी नरवाडे यांच्या पश्चात दोन मुले, सुना, चार मुली, जावई, नातू, पणतू असा मोठा परिवार आहे. दिवंगत रेणुकाबाई सटवाजी नरवाडे खुरगावकर यांच्या पार्थिवावर उद्या दि. १२ फेब्रुवारी रोजी सकाळी ११.३० वाजता मौजे खुरगाव येथील मूळ गावच्या स्मशान भूमीत अंत्यसंस्कार करण्यात येणार आहेत. तथागतनगर जवळील पालीनगर येथील निवासस्थानापासून त्यांची अंत्ययात्रा काढण्यात येणार आहे.
