नांदेड:(दि.२४ जानेवारी २०२६)
श्री.शारदा भवन एज्युकेशन सोसायटी संचालित यशवंत महाविद्यालयाच्या अर्थशास्त्र संशोधन केंद्रातील संशोधक रामेश्वर दत्तराम जाधव यांना ‘मराठा समाजातील अल्पभूधारक शेतकऱ्यांचे सामाजिक व आर्थिक अध्ययन : विशेष संदर्भ नांदेड जिल्हा (२०१० ते २०२०)’ या विषयावर स्वामी रामानंद तीर्थ मराठवाडा विद्यापीठाद्वारे पीएच.डी. पदवी प्राप्त झाली आहे. अर्थशास्त्र विभागप्रमुख डॉ. पी. आर. मुठ्ठे यांच्या मार्गदर्शनाखाली त्यांनी संशोधनकार्य पूर्ण केले.
माजी प्र-कुलगुरू प्राचार्य डॉ. गणेशचंद्र एन. शिंदे यांनी संशोधक रामेश्वर दत्तराम जाधव व मार्गदर्शक डॉ. पी. आर. मुठ्ठे यांचा सत्कार करून भावी शैक्षणिक वाटचालीस शुभेच्छा दिल्या.
या सुयशाबद्दल उपप्राचार्या डॉ. कविता सोनकांबळे, डॉ.हरिश्चंद्र पतंगे, अर्थशास्त्र विभागप्रमुख डॉ. पी. आर. मुठ्ठे, डॉ. दिगंबर भोसले, डॉ. ज्ञानेश्वर पुपलवाड, डॉ. प्रवीणकुमार सेलुकर, डॉ. आवाळे, प्रा. लिंगमपल्ले, प्रा. देशमुख, प्रा. संतोष पाटील, प्रसिद्धी समन्वयक डॉ. अजय गव्हाणे तसेच प्रबंधक संदीप पाटील, अधीक्षक कालिदास बिरादार व गजानन पाटील आदींनी अभिनंदन केले आहे.
