ताज्या घडामोडी

आरक्षण मागणी साठी सकल मराठा समाज आक्रमक ; मानवत तालुक्यातील ठिक ठिकाणी लाक्षणिक उपोषण*

काही ठिकाणी सरकारची प्रतिकात्मक अंतयात्रा काढून निषेध

मानवत / प्रतिनिधी.

मराठा समाजास सरसगट ओ. बी. सी. मध्ये समाविष्ट करुन आरक्षण देण्यात यावे, तसेच मराठा समाजाच्या आरक्षणा बाबत तात्काळ विधानसभा अधिवेशन बोलावून मराठा आरक्षण देण्यात यावे या प्रमुख मागणी सह मनोज जरांगे पाटील यांच्या समर्थनार्थ सकल मराठा समाज बांधवाच्या वतीने ०८ सप्टेंबर रोजी मानवत तालुक्यातील ५४ गावात गाव पातळीवर एक दिवशीय लाक्षणिक उपोषण करण्यात आले.
यावेळी काही ठिकाणी उपोषण कर्त्यानी गावातून निषेध रॅली काढत नियोजित ठिकाणी दाखल होऊन गावकऱ्यांनी दिवसभर ठिय्या मांडला होता तर उपोषण स्थळी सरकारचा निषेध करत प्रचंड घोषणा बाजी करण्यात आली. तसेच सराटी येथे झालेल्या हल्लाच्या निषेधार्थ तालुक्यातील मौ. मानोली, साखरे वाडी, नागर जवळा येथे उपोषण कर्त्यांनी सरकारची प्रतिकात्मक अंतयात्रा काढून तीव्र निषेध केला तर आंबेगाव (चा ) येथे युवकांनी आपले मुंडन करत निषेध व्यक्त केला. या लाक्षनिक उपोषणात मानवत तालुक्यातील हमदापूर, केकरजवळा, ताडबोरगाव, सावळी, मगर सावंगी, रत्नापूर, रूढी, पाळोदी, खडकवाडी, ईटाळी, भोसा, किन्होळा, गोगलगाव, ईरळद, हत्तलवाडी, सारंगापूर, पिंपळा, बोंदरवाडी, रामेटाकळी, रामपुरी, करंजी, कोल्हा, कोथाळा, मांडेवडगाव या सह तालुक्यातील ५४ गावे आणि मराठा समाज बांधव या लाक्षणिक उपोषणात सहभागी झाले होते.

***

Chief Editor

SHARE

Related Articles

Leave a Reply

Back to top button
बातमी कॉपी करण्याचा प्रयत्न करू नका.