ईरळद जिल्हा परिषद शाळेचा रोहन जाधव गोल्ड मेडलने सन्मानित

मानवत / प्रतिनिधी.
मानवत तालुक्यातील मौ. ईरळद जिल्हा परिषद शाळेतील विद्यार्थी रोहन जाधव याने गोल्ड मेडल प्राप्त केले आहे. एन. एस. ओ. (National science Olympiad) परीक्षेत या विद्यार्थ्यांने गोल्ड मेडल मिळवून जिल्हा परिषद शाळेची पताका देश पातळी वर फडकविली असून त्याच्या या यशातून शाळेचे नाव उंचावले आहे.
शिक्षक संख्या कमी तसेच प्रतिकूल परिस्थितीत ही शिक्षकांनी व विद्यार्थ्यांने मेहनत घेत हे यश प्राप्त केले आहे.
त्याच्या या यशा बद्दल त्याचा गुण गौरव करून सत्कार करण्यात आला यावेळी शालेय व्यवस्थापन समिती अध्यक्षा सौ. रेणूकाताई संदिप मुळे, उपाध्यक्ष श्री. गंगाधर खरात, शाळेचे मुख्याध्यापक. श्री दिगांबर भिसे यांच्या सह श्रीमती. शारदा गजमल, श्रीमती. छाया पाटील, श्री. अशोक शिंदे, श्री. सुरेश कापसे श्री भुजंग वैद्य, श्री. महेश गिरी यांची या वेळी उपस्थिती होती यावेळी गूणवंत विद्यार्थ्यांस शिक्षकांनी पुढील वाट चालीस या वेळी शुभेच्छा दिल्या.

***