ताज्या घडामोडी
एम सी आर न्यूज कवयित्री आपल्या भेटीला “किमयागार”:लैलेशा भुरे
![](https://mcrnews.in/wp-content/uploads/2024/01/images-93.jpeg)
*किमयागार*
**************************
झरझरते ऊन पानांवरूनी
रंग सोनेरी खुणावतो मला
ऐकू येई साद पक्ष्यांची
आठवणींचा रंगझुला
मन अल्लड वा-यापरी
शोधते ती एकल वाट
भेट घडते त्या वाटेवर
निसर्गाशी पडते गाठ
वाराही घालीतो शीळ
तनामनाच्या भोवताली
अलगद मन उडे वा-यासवे
लाली उमटते माझ्या गाली
हळूच सरते ऊन कोवळे
जादूगर ते क्षितिजापार
वेचिते मी फांद्यांमधुनी
आठवणींची सुमने किमयागार
**************************
लैलेशा भुरे
नागपूर