सकल मराठा समाजाला आरक्षण द्या या मागणी साठी धामदरी येथे उपोषण सुरू*
*
मालेगाव प्रतिनिधी,: विवेक चिंचडवाड
अर्धापूर तालुक्यातील धामदरी येथेआज दिनांक ७ सप्टेंबर रोजी गरजवंत मराठा समाजासाठी व मनोज जरांगे पाटील याना समर्थन व सकल मराठा समाजाला आरक्षण या मागणीसाठी जयवंत कदम, स्वप्नील कदम, संतोष कदम, आकाश शिंदे या युवकांनी अमरण उपोषण मारोती मंदिर समोर धामदरी या ठिकाणी सुरुवात केली आहे. मनोज जरांगे पाटील यांना सकल मराठा समाज धामदरी यांनी पाठिंबा दिला आहे शासनाने जर रविवार पर्यत जर मनोज पाटील जरांगे यांच्या मागण्याची व उपोषणाची दखल घेतली नाही तर, सोमवारी दिनांक ११ रोजी तहसील कार्यालय अर्धापूर या ठिकाणी सकाळी ठिक ११ वाजता धामदरी गावातील सर्व महिला पुरुष लहान मुले मुली यांच्या समवेत ठिय्या अदोलन करण्याचे ठरवले आहे.
तरी सर्व सकल मराठा बांधवांनी या उपोषणाला पाठिंबा द्यावा व ठिय्या अदोलनासाठी उपस्थित रहावे असे आव्हान सकल मराठा समाज धामदरी कडून करण्यात आले आहे. असे निवेदन अर्धापूर तहसीलदार यांना देण्यात आले आहे.उपोषण करनाऱ्याची प्रकृती स्थीर असून मालेगाव प्राथमिक आरोग्य केंद्राचे डॉक्टर सावन्त हे लक्ष देऊन आहेत ,नांदेड जिल्हापोलीस उपअधीक्षक धरणे यांनी भेट घेतली
*ग्रामपंचायत सदस्यांनी दिला राजीनामा*
सकल मराठा समाजाच्या आरक्षणासाठी ,व मनोज जरांगे यांच्या समर्थनासाठी,उपोषण करणाऱ्यावर लाठीचार्ज या घटनेच्या नीषेधार्थ मौजे धामदरी येथील ग्रामपंचायत सदस्या सौ गोदावरी मुरलीधर कदम या महिलेने आपला राजीनामा ग्रामपंचायतकडे सुपूर्द केला आहे ही जिल्ह्यातील पहिलीच घटना आहे.