स्वातंत्र्य दिन मुख्य समारंभात जिल्हाधिकारी अभिजीत राऊत यांच्या हस्ते ध्वजारोहण

नांदेड (जिमाका) दि. 14 :- भारतीय स्वातंत्र्याच्या 76 व्या वर्धापन दिनोत्सवानिमित्त मंगळवार 15 ऑगस्ट 2023 रोजी जिल्हाधिकारी कार्यालयाच्या प्रांगणात सकाळी 9.05 वा. राष्ट्रध्वज वंदनाचा मुख्य शासकीय समारंभ होणार आहे. जिल्हाधिकारी अभिजीत राऊत यांच्या हस्ते ध्वजारोहण होणार आहे.

सर्व निमंत्रितांनी राष्ट्रीय पोषाखात समारंभ सुरु होण्यापूर्वी होण्यापुर्वी 20 मिनिटे अगोदर आसनस्थ व्हावे. सुरक्षिततेच्या दृष्टीने सोबत कोणतेही बँग किंवा तत्सम वस्तू आणू नयेत. या मुख्य शासकीय कार्यक्रमास उपस्थित राहण्याच्या दृष्टीने इतर सर्व कार्यालय, संस्था, आदींनी त्यांचे ध्वजवंदनाचे समारंभ सकाळी 8.35 वाजेपूर्वी किंवा 9.35 वाजेनंतर आयोजित करावेत, असेही आवाहन जिल्हा प्रशासनातर्फे करण्यात आले आहे.
0000