ताज्या घडामोडी

स्वामी विवेकानंद अध्यापक महाविद्यालयाच्या वार्षिक स्नेह संमेलनाला सुरुवात

—————————————–
उदगीर :-येथील स्वामी विवेकानंद शिक्षण प्रसारक मंडळ संचलित स्वामी विवेकानंद अध्यापक महाविद्यालय शै.वर्ष 2024-25 च्या वार्षिक स्नेह संमेलनास उत्साहपूर्ण सुरुवात झाली आहे. सदरील स्नेहसंमेलन हे संस्थेचे संस्थापक अध्यक्ष तथा प्राचार्य डॉ.सुधीर जगताप यांच्या मार्गदर्शनाखाली घेण्यात येत असून या स्नेहसंमेलनाचे उद्घाटन महाविद्यालयाचे प्राचार्य डॉ. गोपाळ पवार यांच्या हस्ते करण्यात आले. यावेळी प्रा. संजय हट्टे, प्रा. मिनाक्षी घोडके, प्रा. डॉ. दुर्गादेवी स्वामी, प्रा. संगीता जाधव, प्रा. वजेसंग मोरी, प्रा. डॉ रोहीदास गाडेकर, प्रा. अभिजीत गिरी, प्रा. महादेव होनकळस, विद्यार्थी संसद सचिव संध्या लोहकरे यांची प्रमुख उपस्थिती होती.
हे वार्षिक स्नेह संमेलन 02 फेब्रुवारी ते 07 फेब्रुवारी या दरम्यान चालणार आहे. या वार्षिक स्नेहसंमेलनात क्रिडा प्रकारात कबड्डी, खो- खो, धावण्याची स्पर्धा, चेस स्पर्धा,कॅरम स्पर्धा, क्रिकेट स्पर्धा, हॉलीबॉल स्पर्धा तर सांस्कृतीक प्रकारात अंताक्षरी, संगीत खुर्ची, गीत गायन, मुक अभिनय, वैयक्तिक नृत्य, समूह नृत्य, मिमिक्री स्पर्धा, समूह गायन, आनंद नगरी, आदी स्पर्धेसह अनेक भरगच्च कार्यक्रम घेण्यात येणार आहे.
सदरील क्रिडा व सांस्कृतिक स्पर्धा यशस्वी करण्यासाठी प्रा. संदीप पवार, प्रा. विनायक पांढरे, प्रा. गणेश तोरणे, प्रा.महेश दुबाळ,प्रा.डॉ.किरण जगताप, प्रदीप पाटील, सुशांत जाधव, उषा गायकवाड, विठ्ठल कारंजे, रेवती स्वामी, अपर्णा काळे, सुयश स्वामी, सुरेश कारंजे हे परिश्रम घेत आहेत.

Chief Editor

SHARE

Related Articles

Leave a Reply

Back to top button
बातमी कॉपी करण्याचा प्रयत्न करू नका.