यशवंत ‘ मध्ये प्रा.भगवंतसिंघजी गुलाटी यांना भावपूर्ण श्रद्धांजली
नांदेड: (दि.१६ डिसेंबर २०२४)
श्री.शारदा भवन एज्युकेशन सोसायटी संचलित यशवंत महाविद्यालयात ३० वर्षापेक्षा अधिक सेवा दिलेले व दोन वर्ष विभागप्रमुख राहिलेले सेवानिवृत्त गणित विभागप्रमुख प्रा.भगवंतसिंघजी गुलाटी यांना प्राचार्य, उपप्राचार्य, प्राध्यापक व शिक्षकेतर कर्मचाऱ्यांच्या वतीने भावपूर्ण श्रद्धांजली अर्पण करण्यात आली.
श्रद्धांजलीपर शोकसभेत प्राचार्य डॉ. गणेशचंद्र एन.शिंदे यांनी, प्रा. भगवंतसिंघजी गुलाटी हे गणितातील तज्ञ, विद्यार्थीप्रिय व उत्कृष्ट प्राध्यापक होते. प्राध्यापकपेशाशी अत्यंत प्रामाणिक असणारे व्यक्तिमत्व होते. क्रिकेट या खेळाबद्दलही त्यांना रस होता. या क्षेत्रात कार्यरत प्राध्यापक व सर्व कर्मचाऱ्यांसाठी त्यांची सेवा मार्गदर्शक आहे, अशी भावना व्यक्त केली.
याप्रसंगी उपप्राचार्य डॉ. कविता सोनकांबळे तथा डॉ.हरिश्चंद्र पतंगे, प्रबंधक संदीप पाटील, अधीक्षक कालिदास बिरादार व गजानन पाटील, डॉ.प्रवीणकुमार मिरकुटे, डॉ.अजय गव्हाणे, डॉ.वीरभद्र स्वामी, डॉ.बतुल्ला बालाजीराव, डॉ.ज्ञानेश्वर पुपलवाड, गुणवंत धर्माधिकारी नवनाथ धुमाळ, जगन्नाथ महामुने, श्याम पाटील, बालाजी देशमुख, प्रसाद सावंत आदींनीही श्रद्धांजली अर्पण केली.
