नांदेड:
गुजराती प्राथमिक शाळेत दिनांक 21 1 26 बुधवार रोजी इयत्ता पहिली ते चौथीच्या विद्यार्थ्यांचे स्नेहसंमेलन मोठ्या उत्साहात पार पडले. कार्यक्रमाची सुरुवात दीपप्रज्वलन व गणेश वंदनाने झाली. स्नेहसंमेलनात विद्यार्थ्यांनी पारंपारिक संस्कृती तसेच देशभक्तीवर आधारित नृत्य सादर करून प्रेक्षकांची मने जिंकली. चिमुकल्यांच्या सादरीकरणाला पालकांकडून भरभरून दाद मिळाली. कार्यक्रमाच्या अध्यक्षस्थानी गुजराती शिक्षण संस्थेचे अध्यक्ष माननीय श्री केतनभाई नागडा, उपाध्यक्ष श्री चंद्रकांत भाई पटेल,सचिव श्री दीपक भाई दामा, कोषाध्यक्ष श्री शांतीलाल भाई पटेल ,तसेच सदस्य श्री जयंतीलाल भाई पटेल, श्री राकेश भाई शहा, श्री दीपेश भाई शहा, श्री भावेश भाई नागडा यांची प्रमुख उपस्थिती होती.
कार्यक्रम यशस्वी करण्यासाठी गुजराती प्राथमिक शाळेचे मुख्याध्यापक श्री सापडगावकर सर सर्व शिक्षक वृंद तसेच सांस्कृतिक समितीने विशेष परिश्रम घेतले. कार्यक्रमाचे सूत्रसंचालन सौ वर्षा लाटकर व सौ प्रेमला साकोळकर यांनी तर आभार सौ मनीषा सौंदणकर यांनी केले.
आभार प्रदर्शनाने कार्यक्रमाची सांगता झाली.
