नांदेड (दि. 8):
बुद्धिबळ हा केवळ खेळ नसून भारतीय बौद्धिक परंपरेचे प्रतीक आहे,असे प्रतिपादन स्वामी रामानंद तीर्थ मराठवाडा विद्यापीठ,नांदेडच्या आंतर विद्याशाखीय अभ्यास विभागाचे अधिष्ठाता डॉ. सी.आर. बाविस्कर यांनी केले. प्रतिभा निकेतन महाविद्यालय, नांदेड व स्वामी रामानंद तीर्थ मराठवाडा विद्यापीठ,नांदेड यांच्या संयुक्त विद्यमाने आयोजित बुद्धिबळ स्पर्धेच्या उद्घाटन प्रसंगी डॉ. सी.आर. बाविस्कर बोलत होते. पुढे बोलताना त्यांनी बुद्धिबळ खेळाचा इतिहास आणि परंपरा याविषयी माहिती दिली आणि स्पर्धकांना शुभेच्छा दिल्या.
याप्रसंगी नांदेडचे जिल्हा क्रीडा अधिकारी श्री. भैरवनाथ नाईकवाडे यांनी नोकरी व खेळ यासंबंधी स्वतःचे अनुभव व्यक्त करून स्पर्धकांना मार्गदर्शन करून शुभेच्छा दिल्या.या कार्यक्रमाचे प्रास्ताविक प्रतिभा निकेतन महाविद्यालयाचे प्रभारी क्रीडा संचालक व लोकप्रशासन विभाग प्रमुख डॉ.दीपक वाघमारे यांनी केले.यावेळी त्यांनी प्रतिवर्षाप्रमाणे महाविद्यालय वेगवेगळ्या स्पर्धेचे आयोजन अनेक वर्षांपासून यशस्वीपणे करत आहे. क-झोनचा स्पर्धेचा शुभारंभ या स्पर्धेपासून होत आहे असे सांगितले. यावेळी क- झोनचे सचिव डॉ.महेश वाकरडकर, निवड समितीचे अध्यक्ष डॉ. चरणजीत सिंघ महाजन, उपप्राचार्य डॉ.दिलीप स्वामी यांची प्रमुख उपस्थिती होती.
कार्यक्रमाच्या अध्यक्षीय समारोपात स्पर्धकांना शुभेच्छा देताना महाविद्यालयाचे प्राचार्य डॉ. किशोर गंगाखेडकर म्हणाले की,खेळात जय- पराजय महत्त्वाचा नसून पराजयातूनही भविष्यातील विजयासाठी महत्त्वाची प्रेरणा घेता येते, असे सांगून त्यांनी खेळाडू स्पर्धकांना शुभेच्छा दिल्या. या उद्घाटकीय समारंभास कार्यालयीन समितीचे अध्यक्ष डॉ. मनोज पैंजणे, निवडसमितीचे सदस्य डॉ. बाबुराव घायाळ, स्पर्धेचे पंच डॉ. श्रावण नीळकंठ, श्री. सिद्धार्थ हटकर,डॉ. रविंद्र लाठकर, डॉ. संजय हापगुंडे, डॉ.संदीप शिंदे डॉ. गजानन वाघमारे, डॉ. श्रीमंत राऊत, डॉ. राहूल वरवंटीकर, डॉ. प्रवीण स्वामी, डॉ. राजेश्वर कुंटूरकर, डॉ. श्रीकांत केंद्रे व कार्यालयीन अधिक्षक श्री. राजेश अय्यंगार तसेच विविध महाविद्यालयातून आलेले क्रीडा संचालक व स्पर्धक यांची मोठ्या संख्येने उपस्थिती होती.या स्पर्धेचे सूत्रसंचालन प्रा.सोपान पावडे यांनी केले तर आभार प्रदर्शन डॉ. ममता देशमुख यांनी केले.
