अमृत भारत स्टेशन योजनेतून मुदखेड रेल्वे स्थानकाचा होणार कायापालट : खा. प्रतापराव पाटील चिखलीकर यांची माहिती

नांदेड : देशातील रेल्वे स्थानक अत्याधुनिक करण्यासाठी पंतप्रधान नरेंद्र मोदी यांच्या नेतृत्वाखाली देशभरात अमृत भारत स्टेशन योजना राबविण्यात येणार असून याच योजनेतून नांदेड जिल्ह्यातील मुदखेड स्टेशनचा कायापालट होणार असल्याची माहिती खासदार प्रतापराव पाटील चिखलीकर यांनी आज माध्यमांशी बोलताना दिली.अमृत भारत स्टेशन योजने अंतर्गत राबविण्यात येणाऱ्या योजनेचा 6 ऑगस्ट रोजी सकाळी 9:00 वाजता पंतप्रधान नरेंद्र मोदी यांच्या हस्ते दुरद्रशप्रणाली द्वारे उद्घाटन सोहळा पार पडणार आहे अशी माहिती खा. चिखलीकर यांनी दिली

गेल्या नऊ वर्षांत भारतीय रेल्वेने रेल्वे प्रवासाच्या मानकांमध्ये एका नव्या युगाची साक्ष दिली आहे. नवीन रेल्वे पायाभूत सुविधाची निर्मिती असो किंवा नवीन प्रवासी सुविधांची तरतूद असो, देशाच्या वाढत्या आकांक्षांशी जुळण्यासाठी सर्वोत्कृष्ट रेल्वे प्रवास सुविधा सादर करून देशाने मोठे परिवर्तन पाहिले आहे. स्वदेशी बनावटीच्या वंदे भारत एक्स्प्रेसचा परिचय हा भारतीय रेल्वेच्या आपल्या रेल्वे प्रवाशांना जागतिक दर्जाच्या सुविधा उपलब्ध करून देण्याच्या संकल्पाची साक्ष आहे. भारताचे माननीय पंतप्रधान श्री नरेंद्र मोदी जी यांच्या महत्त्वाकांक्षी योजनांनी आणखी एका महत्त्वाच्या घटकाला स्पर्श केला आहे ज्याचा रेल्वे प्रवासाच्या गुणवत्तेवर जबरदस्त परिणाम झाला आहे. अमृत भारत स्टेशन योजना (ABSS). संपूर्ण भारतीय रेल्वेमध्ये हाती घेतली जात आहे, प्रवासी सुविधांच्या दृष्टीने रेल्वे स्थानकांचा कायापालट करण्यासाठी आणि शहराच्या लोकसंख्येच्या वाढीच्या केंद्रामध्ये रूपांतरित करण्यासाठी सज्ज आहे.

पंतप्रधानांच्या दूरदर्शी दृष्टीकोनाने प्रेरित होऊन, प्रवाशांचा अनुभव आणि आरामदायी सुविधा देण्यासाठी रेल्वे स्थानकाचे मोठ्या प्रमाणावर अपग्रेडेशन करण्यासाठी एक मोठे परिवर्तन सुरू आहे. यासाठी प्रत्येक व्यस्त रेल्वे स्थानक ओळखण्यासाठी एक विस्तृत योजना आवश्यक आहे ज्यात सध्याच्या वापरकर्त्याच्या अनुभवाच्या अपेक्षांशी जुळण्यासाठी मेकओव्हर आवश्यक आहे. त्याचा परिणाम अमृत भारत स्टेशन योजना (ABSS) म्हणून झाला आहे, ज्या अंतर्गत संपूर्ण भारतातील 1,309 रेल्वे स्थानकांची पुनर्विकासासाठी निवड करण्यात आली आहे. दक्षिण मध्य रेल्वे अंतर्गत, झोनच्या सर्व सहा विभागांमध्ये विस्तारित 112 स्थानके आहेत, ज्यात लवकरच बदल होणार आहे. या परिवर्तनाचा उद्देश केवळ रेल्वे स्थानके सुधारणे नाही तर त्यांना ग्राहक सेवा आणि सुविधांच्या शिखरावर नेणे हा आहे. अगदी थोड्या वेळ थांब्याला खरोखरच संस्मरणीय अनुभवात बदलू शकतील अशा सुविधा देण्यावर लक्ष केंद्रित केले आहे.

या योजनेतून जिल्ह्यातील महत्त्वाचे जंगक्शन म्हणून ओळखल्या जाणाऱ्या मुदखेड रेल्वे स्थानकाचा कायापालट होणार आहे. यासाठी 23 कोटी 10 लक्ष मंजूर करण्यात आला आहे. मुदखेड रेल्वे स्थानकासाठी यात रेल्वे स्थानकाची नवीन इमारत मोठी पार्किंग व्यवस्था, मोठे प्रतिक्षालय बांधने, लिफ्ट (एक्सलेटर) करणे, पदचारी पूल बांधणे, व्ही.आय.पी. कक्ष उभारणे बरं वातानुकुलीत प्रतिक्षालय उभारणे ही कामे केली जाणार आहे.

अमृत योजनेतून मिळणाऱ्या सुविधा

1. स्थानिक लोक / नागरिकांना दर्जेदार फुरसतीचा आणि मनोरंजनाचा वेळ घालवता यावा यासाठी रेल्वे स्थानकांव नेहमीच चांगल्या प्रकारे डिझाइन केलेले छताचे प्लाझा असतील.

2. दर्शनी भागांमध्ये किफायतशीर सुधारणा, रुंद, सुशोभित सौंदर्यानि सुखकारक प्रवेशव्दार तयार केले जाण आहेत.

3. रस्त्याचे रुंदीकरण, योग्य रित्या डिझाईन केलेले चिन्हे, समर्पित पदाचारी मार्ग, सुनियोजीत पार्किंग क्षेत्र, सुधार प्रकाश व्यवस्था, इत्यादी व्दारे सहज प्रवेश सुनिश्चित करण्यासाठी स्टेशनचे मार्ग सुधारले जातील,

4. स्टेशनवर वापर कर्त्याना आनंददायी अनुभव देण्यासाठी लँडस्केपिंग, ग्रीन पॅच आणि स्थानिक कला आ संस्कृती या घटकांचा वापर केला जाणार आहे.

5. स्थानिक कारागिरांना त्यांच्या मालाची विक्री करण्यासाठी जागा उपलब्ध करून देण्यासाठी एक स्टेशन उत्पादन योजनेसाठी स्टॉलची जागा निश्चित केली जाईल.

6. स्थानकांवर पुरेशा प्लॅटफॉर्म आश्रयस्थानांसह उच्चस्तरीय प्लॅटफॉर्म प्रदान केले जातील. 7. येथून जाणाऱ्या गाडयांच्या प्रवाशांना चांगली दृश्यमानता देण्यासाठी एलईडी आधारित स्थानकाच्या न

फलक लावले जातील.

8. शाश्वत आणि पर्यावरणपूरक उपायांकडे हळुहळु शिफ्ट केले जाईल. अशी माहितीही खा. प्रतापराव चिखलीकर यांनी दिली.