यशवंत महाविद्यालयातील अर्थशास्त्र विभागाच्या वतीने अर्थशास्त्रातील संशोधन पद्धतीवर कार्यशाळा संपन्न

यशवंत महाविद्यालयाच्या अर्थशास्त्र विभागामार्फत ‘अर्थशास्त्रातील संशोधन पद्धती’ या विषयावर एक दिवसीय कार्यशाळेचे आयोजन दिनांक 27 फेब्रुवारी 2025 रोजी करण्यात आले होते. स्वामी रामानंद तीर्थ मराठवाडा विद्यापीठाचे माजी प्र-कुलगुरू तथा यशवंत महाविद्यालयाचे विद्यमान प्राचार्य आदरणीय प्रा.डॉ. गणेशचंद्र शिंदे सर व अर्थशास्त्र विभाग प्रमुख डॉ.पी.आर. मुठ्ठे यांच्या मार्गदर्शनातून या कार्यक्रमाचे आयोजन करण्यात आले. सदरील कार्यशाळा दोन सत्रात पार पडली. पहिल्या सत्रात कार्यशाळेचे उद्घाटन महाविद्यालयाचे प्राचार्य उपप्राचार्य डॉ. कविता सोनकांबळे यांच्या हस्ते पार पडले तर या कार्यक्रमास प्रमुख अतिथी म्हणून महाविद्यालयातील समाजशास्त्र विभागातील प्राध्यापक डॉ. बी. आर. भोसले हे लाभले. कार्यक्रमाचे सुत्रसंचालन विभागातील प्रा. डॉ. डी. डी. भोसले यांनी केले.
कार्यशाळेच्या पहिल्या सत्रात यशवंत महाविद्यालयातील समाजशास्त्र विभागातील प्रा डॉ बालाजी भोसले यांनी संशोधक विद्यार्थ्यांना संशोधनातील ‘संशोधन आराखडा’ यासंदर्भात मार्गदर्शन केले. याच सत्रात दुसर्या भागात अर्थशास्त्र विभागातील प्रा डॉ डी ए पुपलवाड यांनी ‘संशोधन साहित्याचा आढावा’ याविषयावर विद्यार्थ्यांना सविस्तर मार्गदर्शन केले. तर तिसऱ्या भागात महाविद्यालयाचे ग्रंथपाल डॉ के एन वडजे यांनी विद्यार्थ्यांना संशोधनामध्ये माहिती संकलित करण्यासाठी ऑनलाइन स्रोतांचा वापर करण्याच्या दृष्टीकोणातून विविध संकेत स्थळांसंदर्भात माहिती करून दिली.
दुपारच्या दुसर्या सत्रात यशवंत महाविद्यालयातील कॉमर्स विभागातील प्रा डॉ मोहम्मद आमेर यांनी ‘गृहीतकृत्याची मांडणी आणि गृहित कृत्याची चाचणी’ याविषयावर तांत्रिक दृष्टीकोनातून निर्माण होणार्या समस्या कशा पद्धतीने सोडवायच्या. गृहितकृत्याची मांडणी कशी करायची याची पडताळणी करण्यासाठी कुठल्या चाचण्यांचा वापर यावर मार्गदर्शन केले. त्यानंतर अर्थशास्त्र विभागातील प्रा डॉ डी डी भोसले यांनी ‘संशोधन अहवाल लेखन’ यावर मार्गदर्शन केले तसेच अर्थशास्त्र विभागाचे विभाग प्रमुख डॉ पी आर मुठे यांनी विद्यार्थ्यांना ‘संदर्भ लेखन पद्धती’ संदर्भात सविस्तर मार्गदर्शन केले. या कार्यशाळेचा अध्यक्षीय समारोप महाविद्यालयाचे उपप्राचार्य डॉ एच एस पतंगे यांनी केला तर कार्यक्रमाचे आभार प्रदर्शन विभागातील डॉ डी ए पुपलवाड यांनी पार पाडले.
या कार्यशाळेसाठी विभागातील प्रा डॉ एस डी आवळे, प्रा नयना देशमुख, प्रा राहुल लिंगमपल्ले, प्रा डॉ संतोष पाटील, प्रा डॉ योगिता पवार यांनी परिश्रम केले. तसेच अर्थशास्त्रातील संशोधक विद्यार्थी मोठ्या संख्येने या कार्यशाळेस उपस्थित होते.