क्रीडा व मनोरंजन

हरडे वाणिज्य महाविद्यालयातील खेळाडूंचा क्रीडा स्पर्धेत सहभाग  

चामोर्शी,प्रतिनिधी :-

स्थानिक केवळरामजी हरडे वाणिज्य महाविद्यालयातील खेळाडू विद्यार्थ्यांनी वर्ष 2022- 23 मध्ये गोंडवाना विद्यापीठाच्या विविध खेळांच्या संघात सहभागी होऊन आपल्या उत्कृष्ट प्रदर्शनाने विद्यापीठास नावलौकिक मिळवून दिला.

ओडिषा भुवनेश्वर येथे संपन्न झालेल्या अखिल भारतीय योगासन स्पर्धेत -भूषण नंदगीरवार राजस्थान येथील जगन्नाथ विद्यापीठ येथे संपन्न झालेल्या अखिल भारतीय रस्सा खेच स्पर्धेत -सचिन रोहनकर ,मध्य प्रदेश सागर येथे संपन्न झालेल्या पश्चिम विभागीय आंतर विद्यापीठ खो-खो स्पर्धेत-अर्चना सातारकर,मध्य प्रदेश येथे संपन्न झालेल्या पश्चिम विभागीय आंतर विद्यापीठ बुद्धिबळ स्पर्धेत -साहिल बनसोड ,राजस्थान जयपुर येथे संपन्न झालेल्या अखिल भारतीय मिनी गोल्फ स्पर्धेत -सचिन रोहनकर व सुदेशना भैसारे व राजस्थान जयपूर येथे संपन्न झालेल्या अखिल भारतीय वुडबॉल स्पर्धेत -भाग्यश्री मडावी इत्यादी खेळाडूंचा सहभाग कौतुकास्पद राहिला.

 तसेच पांढरकवडा येथे संपन्न झालेल्या राज्यस्तरीय खो-खो स्पर्धेत- निखिल दुधबळे व हरियाणा कुरुक्षेत्र येथे संपन्न झालेल्या राष्ट्रीय रस्सा स्पर्धेत -सचिन रोहनकर याचे प्रदर्शन उल्लेखनीय राहिले.

अखिल भारतीय, पश्चिम विभागीय, राष्ट्रीय व राज्यस्तरीय स्तरावरील वर्ष 2022 -23 मधील महाविद्यालयातील खेळाडूंचा प्रदर्शनावर क्रीडा विभाग प्रमुख प्रा.डॉ.महेश जोशी यांनी समाधान व्यक्त केले तसेच विद्यार्थ्यांच्या नेत्रदीपक कामगिरीवर यशोदीप संस्था गडचिरोलीचे अध्यक्ष अरुण हरडे सचिव डॉ.स्नेहा हरडे व महाविद्यालयाचे प्राचार्य डॉ.हिराजी बनपूरकर तसेच महाविद्यालयातील प्राध्यापक डॉ.पवन नाईक,प्रा.गणेश दांडेकर,प्रा.महादेव सदावर्ते व शिक्षकेतर कर्मचारी आणि विद्यार्थ्यांनी आनंद व्यक्त केला.

Chief Editor

SHARE

Related Articles

Leave a Reply

Back to top button
बातमी कॉपी करण्याचा प्रयत्न करू नका.